छठ पूजा के बड़ा महत्व बा। सुख-शाति, घर-परिवार, संतान प्राप्ति अउर साल भर सबके मंगल कामना खातिर घर में छठ पूजा मनावल जाला। छठपूजा के महत्व से संतान प्राप्ति के कई लोक-कथा प्रचलित बा जवना में कुंती के कथा भी ह। जब एगो साधु के हत्या के प्राश्चित करे खतीर महाराज पांडु आपन पत्नी कुंती और माधवी के साथ वन में दिन गुजारत रहन…ओही समय में पुत्र प्राप्ति के इच्छा से महारानी कुंती छठ व्रत कइली। सरस्वती नदी में स्नान करके सूर्य के अर्घ दिहली। कहल जाला कि इ व्रत के प्रभाव से कुंती पुत्रवती भईली। एसे संतान प्राप्ति के कामना रखे वालन खातीर छठ पर्व के बड़ा महत्व ह।
