मोदी सरकार हज यात्रा प जाए वाला मुसलमानों के करारा झटका दिहले बा। केंद्र सरकार हज यात्रियों के मिले वाला सब्सिडी के खत्म क दिहले बा। हर साल एक लाख 75 हजार हज यात्री के सब्सिडी दीहल जात रहे। जेकरा प सरकार के सलाना 700 करोड़ रुपया खर्चा करे के पड़त रहे।
केंद्र सरकार नया हज नीति के तहत इ फैसला लिहले बा। एकरा से पहिले मोदी सरकार मुस्लिम महिला लोग के बिना मेहरम के हज प जाये के इजाजत दिहले रहे।
इ साल एक लाख 75 हजार मुसलमान हज यात्रा प जाए वाला बाड़न। आजादी के बाद इ पहिला बार ह, जब भारतीय मुसलमान बिना सब्सिडी के हज यात्रा प जइहें।
सरकार के तरफ से दावा कइल जाता, कि अब हज सब्सिडी खातीर आवंटित फंड के इस्तेमाल अल्पसंख्यक वर्ग के लड़की अउर महिला लोग के शिक्षा खातीर इस्तेमाल कइल जायी। अइसे इ बात प विपक्ष के साथे-साथ बड़ तबका के भी यकीन नइखे…. काहे कि लोग पहिले से ही अइसन जन कल्याणकारी योजनाओं में हेर फेर से परेशान बाड़न…
