भोजपुरी सुपरस्टार आनंद आउर काजल एक साथ दू फिल्म के तैयारी में व्यस्त बाड़न| अब जल्दीये लोग के इ धांसू जोड़ी स्क्रीन पर नजर आवे वाला बा| कात्यायन ग्रुप के दू महत्वपूर्ण फिल्म ‘रण’ आउर ‘माही’ के भव्य मुहूर्त मुंबई में भइल|
इ दूनों फिल्म में लीड रोल में भोजपुरी सेंशेसन काजल राघवानी आउर सुपर स्टार आनंद ओझा एक साथ नजर आने वाला बाड़न| इ फिल्म के शूटिंग जल्दीए शुरू होई| एकर निर्माण काफी बड़ा पैमाना पर करल जाई| फिल्म ‘माही’ के पूरा शूटिंग इटली आउर लंदन में आउर फिल्म ‘रण’ के शूटिंग भारत (लखनऊ) आउर नेपाल में करल जाई| फिल्म के चंद्र पंत डायरेक्ट कइले बाड़न,आउर फिल्म के कहानी भी उहे लिखले बाड़न| फिल्म के निर्माता अरूण कुमार मिश्रा आउर रितेश वंदना बाड़न| एहसे पहिले फिल्म के मुहूर्त में भोजपुरी इंडस्ट्री के कई हस्ती मौजूद रहलन, आउर फिल्म खातिर शुभकामनाएं दिहलन|
उ कहलन कि दूनों फिल्म के शुरुआत माता रानी के खास दिन में हो रहल बा| एहिसे इ उम्मीद बा कि फिल्म अच्छा बनी आउर दर्शक के खूब पसंद भी आई| ओहिजे, निर्देशक चंद्र पंत भी फिल्म के खास बतवलन आउर कहलन कि हम एक मजबूत पटकथा वाली फिल्म लेकर आ रहल बानी| हालांकि, दूनों फिल्म के कहानी एक दूसरे से एकदम अलग बा| देखल जाये त कहानी के स्तर पर दूनों के जोनर डिफरेंट बा|
फिल्म के निर्माता अरूण कुमार मिश्रा आउर रितेश वंदना मुहूर्त में आइल सब लोगन के आभार व्यक्त कइलन आउर कहलन कि फिल्म के शूटिंग के घोषणा हम जल्दीए करब जा| साथे जल्दीए हम दूनों फिल्म के कास्टिंग भी शुरू करब जा| खालसा अभी फिल्म के लीड कास्ट में आनंद ओझा अउर काजल राघवानी के नाम सामने आइल बा| इनकर हाले में एगो फिल्म ‘कुंभ’ आवे वाला बा| उ बतवलन कि इ दूनों फिल्म के सह निर्माता ज्योति दिनेश पांडे, किरण गुप्ता, अंबे बालाजी लॉग्स्टिक अउर डी. एस. तिवारी बाड़न| फिल्म में संगीत धनंजय मिश्रा अउर गीत वीरेंद्र पांडे के होई|
